20.5.12

7 ՄԻՏՔ ԳԱՐԵԳԻՆ Բ ՀԱՅՐԱՊԵՏԻՑ


«Մահ իմացեալ անմահութիւն է» կարգախոսը պիտի փոխվի մեր ժողովրդի համար, այսուհետև պիտի ասենք.«Կյանք իմացյալ անմահություն է»:

Ի՞նչն է լինելու մեր կյանքի նշանաբանը: 

Դժվարությունների առաջ ծնկե՞լ, թե՞ այդ դժվարությունները հերոսաբար հաղթահարել:
Դժվարությունները մերն են, և դժգոհությամբ չենք կարող նրանցից զերծ մնալ ու խուսափել: Դժվարությունները կարող ենք հաղթահարել ոգի և կամք դրսևորելով:
Տեսա, որ մեր կյանքի դժվարությունները մեծապես հետևանք են առ Աստված մեր ունեցած հարաբերության և դեպի Աստված ունեցած մեր կեցվածքի: Կյանքը օր օրի դժվարանում է և ոչ ուրիշի մեղքով. բացառաբար մեր մեղքով: Քանզի մեր ճանապարհը չի առաջնորդում մեզ դեպի Աստված: Փորձենք մեր կյանքը կազմակերպել Աստծուն և աղոթքին ապավինած: 



Մեր հավատքը անցել է հրի և սրի միջով: Մեր հավատքը մշտապես հաղթություն է պարգևել մեզ, որովհետև մենք հավատացել ենք Ավետարանի խոսքի ճշմարտությանը` թե «Որ հաւատասցէ իսպառ, նա կեցցէ»:

Ժողովուրդը չի սխալվում իր սիրո մեջ, քանզի շռայլ չէ իր գնահատականներում:

Այո՛, մենք այլևս ապրելով պիտի ապրենք, հաղթելով ապրենք: Հայրենասիրությունը բանաձևելու կարիք չունի. նրանով պիտի ապրես, գործես, արարես: 

Ժողովուրդը պետք ունի սպասավորի, սակայն այն սպասավորի, որը գիտե դարման անել նրա կարիքներին, նրա ցավերին, նրա տառապանքներին, ժողովուրդը պետք ունի սպասավորի, որը գիտե առաջնորդ լինել անհուսության և անորոշությունների մեջ` դուրս բերելով լուսավոր ճանապարհներ, հույսի ճանապարհի վրա կանգնեցնելով մեր ժողովրդի զավակաց: 


Որպես Հայրապետ Հայոց, բարձր ենք գնահատում մեր ժողովրդի պատմության մեջ հայ կնոջ արիության ոգին ու նվիրվածությունը հանդեպ ընտանիքն ու ազգը, որ հիմնավոր երաշխիքներից մեկն է հայկազյան մեր զարմի գոյատևման:


Թանկ գնով ձեռք բերվածի պահպանումը և տանուլ չտալու կարողությունը նույնպես հաղթություն է:


3 արտահայտվիր:

Տաթևիկ комментирует...
21.05.2012, 9:09

Շնորհակալություն Տեր Հայր: Զորություն պարունակող խոսքեր են: Իրապես, Աստված հոգում է Եկեղեցու մասին` յուրաքանչյուր ժամանակաի համար ճիշտ անհրաժեշտ հատկություններով օժտված առաջնորդներ կարգելով:

Анонимный комментирует...
21.05.2012, 20:44

Ter Hayr karogh eq sebazanneric el xosker kagheq

Srk. комментирует...
21.05.2012, 21:14

@Анонимный :

Առհասարակ նպատակ ունեմ անդրադառնալ նաև հայտնի այլ եկեղեցական գործիչներին, բայց դա դեռ ծրագիր է

Отправить комментарий

Շնորհակալություն մեկնաբանության համար: Եթե Ձեր մեկնաբանությունը առնչվում է հոդվածի նյութին, չի պարունակում վիրավորանքներ և կասկածելի չէ բովանդակությամբ, ապա կարճ ժամանակում այն անպայման կհրապարակվի: Աստված օրհնի Ձեզ:

Related Posts Plugin for WordPress, Blogger...